父母的陪伴，孩子的探索——昕蕎的奧數初登場
- 香港兒童數學協會
- 1天前
- 讀畢需時 2 分鐘
四歲半的蕭昕蕎，就讀澳門培正中學（路環校部）幼稚園K2。去年12月，第一次踏上全港性的大型數學比賽舞台，她像參加一場熱鬧的數學活動，面對滿場陌生的小朋友和題目，她好奇的眼睛四下探索，頗有小將之風﹗蕭爸爸笑著說︰「佢報咗數學同奧數雙項比賽，佢好淡定，一啲都唔緊張。」
談到如何培養昕蕎的數學思維，蕭生分享︰「我哋主要先了解學校教咩，再根據課程幫佢溫習、做工作紙。最重要係保持佢對數學嘅興趣，唔好令佢覺得沉悶。」蕭太補充︰「佢做功課好專注，坐成個鐘都唔會扭計，無論自己做數，定係我哋陪佢，都唔會分心。」
蕭生強調︰「我哋唔會比壓力佢，最想佢開心學習、開心探索。比賽唔係要佢一定識答，而係想佢體驗、學習，享受過程。」蕭太亦認同，並指出數學在現今世代的重要性︰「數學訓練邏輯思維，做題目就係推理練習。」蕭生補充︰「未來係AI同科技嘅世界，背誦未必重要，但數學運用、邏輯推理就愈嚟愈關鍵。」
問到如何得知「2025香港學界數學及奧數精英賽」，蕭太笑說︰「係透過學校知道嘅。澳門好少有咁大型嘅比賽，所以我哋一班參加比賽嘅家長同小朋友，專程揸車過嚟，真係好開心。」比賽當日，兩人都大讚氣氛熱烈，流程清晰流暢︰「賽會搞得好好呀！一定會介紹比朋友知。」
初次參加大型比賽，家長們通常會關心孩子如何準備。蕭太說︰「有啲邏輯題我哋都唔知點教，好彩有學校老師耐心指導，令小朋友可以一步步掌握。」聽說有賽前預備班，而澳門學生更可透過ZOOM上課，她說︰「呢個安排幾好喎！比賽前有預備班老師幫小朋友熟習試題同比賽形式，咁就相輔相成。」
比賽結束後，昕蕎精力充沛地跑到父母身邊，開心地說：「題目我都識答！奧數好好玩！」看到她眼中閃爍的光芒，父母也欣喜。下屆比賽移師灣仔會展舉行，蕭生蕭太已計劃再次替囡囡報名，期待她在更大舞台上挑戰自己。
每個孩子的學習節奏不同。對當下的昕蕎來說，數學的樂趣來自賽場上解開題目的喜悅。對父母來說，最重要的是在孩子成長路上，能陪伴他們找到那份屬於自己的、眼裡發光的熱情。
留言