四歲半的蕭昕蕎，就讀澳門培正中學（路環校部）幼稚園K2。去年12月，第一次踏上全港性的大型數學比賽舞台，她像參加一場熱鬧的數學活動，面對滿場陌生的小朋友和題目，她好奇的眼睛四下探索，頗有小將之風﹗蕭爸爸笑著說︰「佢報咗數學同奧數雙項比賽，佢好淡定，一啲都唔緊張。」 談到如何培養昕蕎的數學思維，蕭生分享︰「我哋主要先了解學校教咩，再根據課程幫佢溫習、做工作紙。最重要係保持佢對數學嘅興趣，唔好令佢覺得沉悶。」蕭太補充︰「佢做功課好專注，坐成個鐘都唔會扭計，無論自己做數，定係我哋陪佢，都唔會分心。」 蕭生強調︰「我哋唔會比壓力佢，最想佢開心學習、開心探索。比賽唔係要佢一定識答，而係想佢體驗、學習，享受過程。」蕭太亦認同，並指出數學在現今世代的重要性︰「數學訓練邏輯思維，做題目就係推理練習。」蕭生補充︰「未來係AI同科技嘅世界，背誦未必重要，但數學運用、邏輯推理就愈嚟愈關鍵。」 問到如何得知「2025香港學界數學及奧數精英賽」，蕭太笑說︰「係透過學校知道嘅。澳門好少有咁大型嘅比賽，所以我哋一班參加比賽嘅家長同小朋友，專程揸車過嚟，真係好開心。」比賽當日，